P A T U R A I

Serat Kadeudeuh : M. Hirro Tasyaufy Maemun

lain kuteu sedih nepi ka ieu waktos

lain kuteu dareuda nyeblak rasa dina dada

mieling kumpul bareng di ieu pondok

naratas sapait samanis maparah hirup

silih geuing jeung mieling sangkan jadi

jalma bageur, pinter, tur bener

jalma luhung ku elmu tur pangabisa

ditampi dimana bae ayana

kadeudeuh anu tos pageuh

tong lesot kujalaran urang paturai

kaasih anu tos matri

tong leupas kujalaran urang paanggang

duh gusti

upami ngaragap diri ieu abdi

isin ku rasa era ku basa

seueur salahna tur dosa ka sasaha

ka pimpinan pondok

ka ustad

ka rerencangan

ka ema sareng bapa

sarta

ka gusti kuanjen rupina

hampura abdi hampura

hapunten abdi hapunten

tina kalepatan anu sakinten seueurna

tina sagala dosa anu ngaraksa

duh gusti

nyampakna waktos paturai

ngagurat na tungtung soca

ngagerih rasa dina dada

tumiba ninggang kana raga

ngaraos alim papisah

ngaraos alim paanggang

na kunaon kieu jadina

duh gusti

raket pageuhkeun abdi sadaya

midulur keur salamina

ngabaraya teu aya wates akhirna

sanaos entos paanggang

sanaos entos paturai

pileuleuyan tong ngajantenkeun urang patebih

pileuleuyan tong ngajantenkeun urang paanggang

pileuleuyan pileuleuyan sapu nyere pegat simprai

pileuleuyan pileuleuyan paturai patepang deui

Malingping – Selatan Sisih Terpencil, 06 Juni 2007